26mars

Listasýning

Halló allir.

Helgi heiti ég og var yfir í Laugardalnum í fyrra og mun vera aftur þar komandi sumar. Bara örfáir mánuðir þangað til við byrjum að nýju og óhætt að segja að tilhlökkunin sé byrjuð að segja til sín.

Tilgangur þessarar bloggfærslu er að segja ykkur öllum frá því að í New York er verið að setja upp listasýningu með ljósmyndum frá Íslandi, og þar á meðal frá Skólagörðunum í Laugardal. Ljósmyndari að nafni Morgan Levy stendur fyrir sýningunni og hún kom í heimsókn til okkar síðastliðið sumar til að taka nokkrar myndir.

Ég ætla að athuga hvort ég geti ekki komist með hendurnar yfir e-ð af þessum myndum og setja þær hérna inn...

Fylgist með...

-Helgi Rafn Ingvarsson
26. mars 2009 klukkan 13:53

Engin athugasemd

Myndir

Ef þið viljið ekki að við birtum myndir af barninu ykkar vinsamlegast hafið samband við leiðbeinendur í skólagarðinum sem barnið er í og látið vita.

Skólagarðarnir

Markmið skólagarðana er að kenna börnum umgengni við náttúruna og ræktun gróðurs. Börnin fá úthlutað garði sem þau bera ábyrgð á allt sumarið. Í lok sumars fá þau afrakstur erfiðisins þegar þau koma með grænmetið heim og færa sínum nánustu. Með börnunum starfa leiðbeinendur við ræktunina. Aðaláherslan er á umhirðu garðanna en af og til eru haldnir leikjadagar eða farið í ferðir. Þá eru áhugasamir og framúrskarandi ræktendur verðlaunaðir Við ljúkum sumrinu með sumarhátíð þar sem boðið er uppá afurðir garðsins. Í lokin er afhent viðurkenning fyrir sumarstarfið.

Innritun fer fram í gegnum netfangið skolagardar@rvk.is , frá 1. maí – 23. maí. Í tölvupóstinum þurfa eftirfarandi upplýsingar að koma fram: Nafn foreldris, Kennitala foreldris, Heimilisfang og póstnúmer, Nafn barns og aldur, Í hvaða skólagarð er sótt um

Gjald vegna skólagarðana 2009 er 3.000 kr. og verður sendur greiðsluseðill á lögheimili barnsins.

Nánari upplýsingar í símum: 693 2323 og 411 8500. Opið kl. 8.00–16.00.

Innskráningar kubbur